Sport24.ru мәліметінше, жартылай орта салмақтағы UFC экс-чемпионы Камару Усман 8 желтоқсанда Лас-Вегаста өтетін UFC 310 турнирінде қазақстандық жауынгер Шавкат Рахмоновпен ықтимал жекпе-жекке қатысты айыптауларға жауап берді.
Шавкат Рахмонов Белал Мұхаммедке қарсы титулдық жекпе-жек мүмкіндігінен айырылғаннан кейін жағдай шиеленісе түскен. Усманның Мұхаммедті алмастырып, қазақстандық спортшыға қарсы шығатыны туралы қауесет тарады. Бірақ Камару бұл жекпе-жекке дайындалуға уақыты жетпейтінін айтты.
Pound 4 Pound подкастында Усман айыптауларға қатысты пікір білдірді:
«Мен интернеттен: ‘О, сен қорқып кеттің бе? Сіз бұл жекпе-жектен қашып жүрсіз бе?’ деген сөздерді оқимын. Бұл күлкілі! Мұндай жағдай Джон Джонстың басынан да өткен. Жанкүйерлер қалаған жекпе-жегін көре алмаса, бірден осындай тұжырым жасайды. Бұған менің еш қатысым жоқ. Сондықтан үндемеңдер!»
Усман өзіне тағылған қорқақтық айыптарын қатаң сынға алды:
«Иә, жарайды, әлем чемпионы, бірнеше рет титул қорғаған жауынгер кенеттен қорқып кетіпті-мыс. Мұндай ойларға күлемін. Кез келген нәрсеге дайын болу маңызды. Ал дайындықсыз шығу – жауапсыздық».
Камару Усман қатыспаса да, UFC 310 турнирі жанкүйерлер үшін ерекше кеш болмақ. Оның айтуынша, Шавкат Рахмонов пен Ян Гарридің кездесуі жартылай орта салмақтағы болашақ үміткерді анықтайды және үлкен қызығушылық тудырады.
