Камалдин Сулемана Саутгемптоннан Аталантаға 18 млн фунтқа ауысты

BBC Sport мәліметінше, Камалдин Сулемана ресми түрде италиялық Аталантаның ойыншысы атанды — трансфер сомасы 18 миллион фунт стерлингке дейін жетуі мүмкін, бұл ретте Саутгемптон футболшының болашақ сатылымынан пайыз алып қалды.

23 жастағы ганалық шабуылшы екі жарым жыл бұрын клуб үшін рекордтық 22 миллион фунтқа Саутгемптонға қосылған еді — осы уақыт ішінде ол 74 матч өткізіп, төрт гол соғып, жеті нәтижелі пас берді.

Италияда Сулемана Саутгемптондағы бұрынғы бапкері Иван Юричпен қайта қауышады. Айта кетейік, бұған дейін «қасиеттілер» ганалық шабуылшымен бір трансферлік терезеде келген шабуылшы Пол Онуачумен де қоштасқан болатын.