Калифорния атлетикалық комиссиясы Садриддин Ахмедовты шеттетті

Калифорния штатының атлетикалық комиссиясы қазақстандық боксшы Садриддин Ахмедовты (15-0-1, 13 КО) жекпе-жек пен спаррингтерге қатысудан уақытша шеттетті.

Дисквалификация медициналық сипатта — комиссия қатты жекпе-жектен кейін спортшының толық қалпына келуі үшін осындай шешім қабылдады. Шектеу 25 сәуірге дейін жалғасады.

Соңғы жекпе-жегінде Ахмедов мексикалық боксшы Элиас Эспадаспен (23-6-1, 16 КО) кездесіп, кәсіби мансабында алғаш рет жеңіске жете алмады — жекпе-жек тең нәтижемен аяқталды.