Кайл Уокер «Манчестер Ситиден» «Бернлиге» ауысты

«Бернлидің» ресми сайтының хабарлауынша, Кайл Уокер «Манчестер Ситиден» 5 миллион фунт стерлингке ауысты — қорғаушы екі жылдық келісімшартқа қол қойды.

«Мен мұнда болғаныма өте қуаныштымын. «Бернли» өткен маусымда керемет қорғаныс ойынымен көзге түсті, мен өз тәжірибем мен шеберлігімді осы үміт күттіретін құрамға қосуға асығамын», — деді Уокер.

35 жастағы футболшы бұрын «Бернлидің» қазіргі бас бапкері Скотт Паркермен бірге «Тоттенхэмде» өнер көрсеткен.

«Скоттпен сөйлесіп, келесі маусымға арналған жоспарларын білген кезде, мен бірден осы мүмкіндікті пайдаландым. Ол клубты 100 ұпаймен Премьер-лигаға қайтарып, керемет жұмыс атқарды, енді біз әлемдегі үздік лигада бірге өнер көрсетуге дайынбыз», — деп атап өтті Уокер.