Кайл Уокер Манчестер Ситиден Бернлиге 5 млн фунтқа ауысты

«Бернли» клубының ресми сайтының хабарлауынша, Кайл Уокер «Манчестер Ситиден» 5 миллион фунт стерлингке ауысты — 35 жастағы қорғаушы екі жылдық келісімшартқа қол қойды.

«Мен мұнда болғаныма өте қуаныштымын. Өз тәжірибем мен шеберлігімді осы үміт күттіретін командаға қосуды асыға күтемін», — деді Уокер.

Ағылшын қорғаушысы бұрын «Тоттенхэмде» бірге ойнаған бас бапкер Скотт Паркермен қайта қауышады. Өткен маусымның бірінші жартысында Уокер «Сити» сапында 15 матч өткізді, содан кейін «Миланға» жалға берілді.

«Манчестер Ситиде» сегіз жыл ішінде футболшы 17 трофей жеңіп алды және екі жыл бұрын требл жеңген команданың құрамында болды. Уокер бір жылдық үзілістен кейін Премьер-лигаға оралған «Бернлидің» жазғы бесінші трансфері болды.