Израильдік ойыншы бір айдан астам уақыт қосалқы құрамда отырып, команда ауыстырды

Израильдік киберспортшы Лотан «Spinx» Гилади Камиль «siuhy» Шкарадек қосылқы құрамға ауыстырылғаннан кейін MOUZ сапына қосылды, деп хабарлайды Prosports.kz.

MOUZ командасы бұрын Vitality сапында ойнаған Лотан «Spinx» Гиладимен келісімшарт жасасқанын ресми түрде жариялады. Израильдік ойыншы күтпеген жерден негізгі құрамнан кеткен капитан Камиль «siuhy» Шкарадектің орнын басады.

Spinx Vitality сапына 2022 жылы тамызда ENCE командасынан ауысып, ұжымда екі жылдан астам уақыт өнер көрсеткен болатын. Осы уақыт ішінде ол командасына жеті ірі трофей, оның ішінде BLAST Paris Major чемпионы атағын жеңіп алуға көмектесті және үш рет HLTV нұсқасы бойынша жылдың үздік 20 ойыншысы қатарына енді, 2023 жылы бесінші орынға дейін көтерілді.

2024 жылдың соңы Spinx үшін қиын болды — ойыншы маусымның ауыр өтуіне байланысты қосылқы құрамға ауыстырылды. Жазда команда ауыстыруды жоспарлағанымен, ол қалуға шешім қабылдап, IEM Cologne турниріндегі жеңіске өз үлесін қосты.

Енді Spinx Людвиг «Brollan» Бролиннің орнын басады, ал Бролин, мәліметтер бойынша, команданың капитаны атанады.

«Бүгін MOUZ-да жаңа кезең бастаймын. Командаға қосылғаныма өте қуаныштымын және алдағы матчтарды асыға күтемін», — деп жазды Spinx X әлеуметтік желісінде.

Алайда, Spinx MOUZ сапында бірден дебют жасай алмайды. IEM Katowice 2025 турниріне қатысушылар тізімінің жабылуына байланысты ол бұл жарысқа қатыспайды, ал оның орнын академия ойыншысы Адриан «xelex» Винце басады. Spinx-тің MOUZ құрамындағы алғашқы турнирі 14-23 ақпан аралығында өтетін PGL Cluj-Napoca болуы мүмкін.