Израиль құрамасының капитанын Ресей туралы сөзі үшін Эстония полициясы тергеді

«Матч ТВ» хабарлағандай, Эстония полициясы Израиль құрамасының капитаны Эли Дасаны матч алдындағы баспасөз мәслихатында Ресей туралы оң пікір білдіргені үшін тергеуге алды.

Мәскеулік «Динамоның» бұрынғы ойыншысы Ресейде өткізген уақыты үшін алғысын білдіріп, онда өзіне футболшы және адам ретінде жақсы қарым-қатынас жасағанын атап өтті. Бұл сөзден кейінгі күні құқық қорғау органдары команда қонақ үйіне келіп — спортшыны қайта тергеу үшін ұстап қалу мүмкіндігін мәлімдеді.

ӘЧ-2026 іріктеу турнирінің матчында Израиль Эстонияны 3:1 есебімен жеңген кезде жергілікті жанкүйерлер Дасаның допқа әр тигенін ысқырықпен қарсы алды.