Иван Дычко Алматыда ресейлік боксшымен жекпе жекке дайындалуда

Рингке жеңілмеген қазақстандық ауыр салмақтағы боксшы Иван Дычко (14-0, 13 КО) мен ресейлік Виталий Кудухов (7-2, 3 КО) шығады. Алдағы он раундтық жекпе-жек сарапшылардың назарын аударды, ал BoxRec.com бұл кездесуге бес жұлдыздың екеуін берді. Бұл Иван Дычко үшін маңызды оқиға, себебі оның жекпе-жектері бұрын мұндай жоғары баға алмаған.

BoxRec ұпайы бірнеше факторға негізделеді: қарсыластардың деңгейі, бокс кешінің мәртебесі және спортшылардың беделі.

Иван Дычко соңғы рет 21 тамызда АҚШ-тың Флорида штатындағы Плант-Ситиде рингке шығып, екінші раундта америкалық Крейг Льюисті (15-8-1, 8 КО) нокаутқа жіберген болатын. Бұл жеңіс бір жылдық үзілістен кейінгі жарқын оралу ретінде бағаланды.

Алдағы жекпе-жек Иван Дычко үшін жаңа сынақ болмақ. Бұл жеңіс оған әлемдік аренадағы беделді жекпе-жектерге жол ашуы мүмкін.