Исраил Мадримов Жәнібек Әлімханұлымен әлеуетті жекпе-жек туралы пікір білдірді

Өзбекстандық экс-әлем чемпионы Исраил Мадримов (10-2-1, 7 KO) жеңілмеген қазақстандық боксшы Жәнібек Әлімханұлымен (17-0, 12 КО) орта салмақ дәрежесінде өтуі мүмкін жекпе-жек туралы пікір білдірді.

Егер мен 160 фунт дәрежесіне көшсем, барлық чемпиондармен кездесуге ниеттімін. Жәнібекке үлкен құрметпен қараймын — бұл тек спорттық қызығушылық. Жәнібекпен жекпе-жек мен үшін үлкен мәртебе болар еді. Қазақстан мен Өзбекстан — көршілес елдер, мұндай жекпе-жек екі жетекші бокс державасының күшін көрсетер еді, — деді Мадримов The Ring-ке берген сұхбатында.

Қазіргі уақытта Жәнібек Әлімханұлы орта салмақта IBF және WBO чемпиондық белбеулерінің иегері болып табылады.