Испанияда футболшы Диогу Жотаның қазасының егжей-тегжейі белгілі болды

BBC хабарлауынша, Испания Азаматтық гвардиясы футболшы Диогу Жота мен оның бауыры Андре Силваның қайғылы қазасының мән-жайын ашты.

Бауырлар отырған Lamborghini көлігі Самора провинциясындағы жолда апатқа ұшырады — басып озу кезінде көліктің шинасы жарылып, басқарудан айырылып, өртке оранды.

«Біздің мәліметімізше, көлік басып озу кезінде шинаның жарылуынан жолдан шығып кетті. Бұл Сернадилья муниципалитетінде сағат 00:30-да болды. Көлік өртеніп, екі жолаушы қаза тапты», — деді Азаматтық гвардия өкілдері.

Қайғылы оқиға кезінде Диогу Жота ағылшын «Ливерпуль» клубы мен Португалия құрамасында өнер көрсетіп жүрген еді, ал оның кіші бауыры Андре Португалияның екінші лигасындағы «Пенафиэл» клубында ойнаған.