Испания ойыншысы Родри алтын доп иегері атанады

Испания құрамасы мен «Манчестер Сити» жартылай қорғаушысы Родри 2024 жыл қорытындысы бойынша «Алтын доп» иегері атанды, — деп хабарлайды бірінші бол.

Маусымның ең үздік футболшыларын марапаттау рәсімі Париждегі Шатле театрында өтті. Дәстүр бойынша әлемнің ең үздік футболшыларымен қатар бұл күні ең үздік бапкер, ең үздік қақпашы, ең үздік жас футболшы және ең үздік әйел футболшы да анықталды.

Бұған дейін футбол сарапшыларының көбі «Алтын доптың» бразилиялық Винисиус Джуниорға бұйыратынын болжаған. Алайда, ол екінші орынға ие болды.

France Football басылымының қорытындысына сәйкес, Джуд Беллингем – үшінші, Даниель Карвахаль – төртінші және Эрлинг Холанд бесінші орынға лайық деп танылған.

Айта кету керек, бұған дейін «Манчестер Сити» ойыншыларының ешбіріне «Алтын доп» бұйырмаған. Родри сондай-ақ, Испания құрамасы сапынан осынау жүлдеге ие болған алғашқы ойыншы.