Исландиядан жеңілгеннен кейін Шотландия жанкүйерлері Стив Кларкты қызметінен кетуін талап етті

Шотландия құрамасының Исландиядан 3:1 есебімен жеңілуінен кейін команда жанкүйерлері бас бапкер Стив Кларктың жұмысына қатты наразылық білдірді.

Лихтенштейнмен болатын жолдастық кездесу қарсаңында жанкүйерлер түбегейлі өзгерістер талап етуде — көпшілігі бапкердің әлеуеті таусылып, қолда бар талантты ойыншыларды тиімді пайдалана алмай отыр деп санайды.

Құрама дебютанты, 22 жастағы қақпашы Киран Сликер бірнеше қате жіберді, алайда жанкүйерлердің көпшілігі команданың проблемалары жүйелік сипатта деп санайды.

«Бұл мен Шотландия құрамасының жанкүйері болған алты онжылдықта көрген ең нашар ойын. Соңғы кезде біз өте нашар ойнап жүрміз. Шығармашылық тұрғыдан құлдырап, көңілсіз ойын көрсетудеміз. Жаңа идеялары бар жаңа бапкерлер командасының уақыты келді ме?» — деді жанкүйер Фрэнни.

Дегенмен, кейбір команда жанкүйерлері сабыр сақтауға шақырып, бұл тек жолдастық кездесулер екенін, ал Кларктың іріктеу циклдерінде жақсы нәтиже көрсеткенін еске салуда.