Иско: «Антони үшін краудфандинг ұйымдастыруымыз керек»

«Бетис» жартылай қорғаушысы Франсиско Роман Аларкон Иско клубтың бразилиялық ойыншысы «Антонидің жалдау мерзімін ұзарту үшін краудфандинг ұйымдастыруды» ұсынды.

Қыста «Манчестер Юнайтедтен» ауысқан Антони 12 матчта 4 гол соғып, 4 нәтижелі пас берді. Оның келгелі андалусиялықтар небәрі екі рет жеңіліп, Ла Лигада алтыншы орынға көтерілді.

«Ол келгеннен бастап өзгерістер айқын сезілді. Командаға көп көмектесті. Қарапайым әрі жомарт жан. Антонидің осында қалғанын қалаймын», — деді Иско DAZN арнасына берген сұхбатында.

Қазір «Бетис» оның жалақысының 84 пайызын төлеп отыр. Антони «Юнайтедке» 2022 жылы «Аякстан» 81 миллион фунтқа ауысқан еді — бұл клуб тарихындағы Погбадан кейінгі ең қымбат трансфер.