Иньяки Уильямс «Манчестер Юнайтедпен» матчтағы төрешінің қателігін сынады

As басылымының хабарлауынша, Иньяки Уильямс Еуропа лигасының жартылай финалындағы алғашқы матчта «Атлетиктің» «Манчестер Юнайтедтен» 0:3 есебімен жеңілген кездегі төрешілік шешімдерге қатысты пікір білдірді.

Баск клубының шабуылшысы даулы эпизодқа назар аударды — «Атлетик» қақпасына пенальти тағайындалар алдында доп Алехандро Гарначоның қолына тиген, бірақ төреші Эспен Эскос мұны байқамаған.

«Пенальти тағайындалмас бұрын Гарначоның қолына тиген добты төреші көрмей қалды. Хейлунд шамалы түртіп қалғаннан құлап түсті, пенальти тағайындалғаны өкінішті. Біз онша өткір ойнай алмадық, бірақ сылтау іздемейміз», — деді Уильямс.

«Биылғы маусымда атқарған жұмысымыз өзі сөйлейді. Жанкүйерлеріміз әрдайым бізбен бірге — тіпті 0:3 есебінде де қолдау көрсетті. Қарымта матчта бар күшімізді саламыз», — деп қосты «Атлетик» шабуылшысы.