Интердің бұрынғы қорғаушысы Кристиан Киву клубтың бас бапкері атанды

«Интердің» ресми сайтының мәліметінше, Кристиан Киву милан клубының бас бапкері қызметіне тағайындалды — румыниялық маманмен келісімшарт 2027 жылға дейін жасалған.

Киву бапкерлік қызметте Сауд Арабиясының «Әл-Хилал» клубына ауысқан Симоне Индзагиді алмастырды.

Соңғы төрт ай ішінде «Пармада» жұмыс істеген румыниялық маман — команданың А Сериясындағы 18-ші орыннан 16-шы орынға көтерілуіне көмектесті. Оның жетекшілігімен клуб 13 матч өткізіп, үш рет жеңіске жетті, жеті рет тең ойнап, үш рет жеңілді.