«Интердің» бапкері мен ойыншысы ультрастармен байланысы үшін ойыннан шеттетілді

La Gazzetta dello Sport мәліметі бойынша, Серия А басшылығы «Интер» өкілдері — бас бапкер Симоне Индзаги мен жартылай қорғаушы Хакан Чалханоглуға қатысты тәртіптік шешім қабылдады.

Жаза олардың ультрас көшбасшысы Марко Фердикомен байланысына қатысты — маман мен футболшы онымен «Манчестер Ситиге» қарсы Чемпиондар лигасының финалына қосымша билеттерді бөлу мәселесін талқылаған.

Жағдай сегіз ай бұрын Фердиконың ұйымдасқан қылмыспен байланысы бар деген күдікпен 19 адаммен бірге тұтқындалуымен күрделене түсті.

Тергеумен келісім нәтижесінде Индзаги 15 мың еуро, ал Чалханоглу 30 мың еуро айыппұл төлейді. Екеуі де 3 мамырда «Веронаға» қарсы үй ойынын өткізіп алады.