Интер қақпашысы Зоммердің қолында күрделі жарақат анықталды

«Интердің» ресми сайтының мәліметі бойынша, команданың негізгі қақпашысы Ян Зоммерде күрделі жарақат анықталды.

Швейцариялық қақпа қорғаушысы өткен медициналық тексеру көңіл құлазытарлық нәтиже көрсетті. Футболшыда оң қолының бас бармағының проксимальды фалангасының (жоғарғы бөлігінің) сынығы анықталған.

Клуб дәрігерлері әзірге болжам жасаудан бас тартуда, қақпашының сауығу мерзімі жария етілмейді.