Инсайдер Шавкат Рахмоновтың ықтимал қарсыластарын атады

Eurosport Nederland инсайдері және Tapology.com редакторы Марсель Дорфф жеңілмеген қазақстандық файтер Шавкат Рахмоновтың келесі қарсыласы туралы болжамымен бөлісті.

Менің ойымша, келесі жекпе-жекте Шавкат Ислам Махачев — Джек Делла Маддалена жекпе-жегінің жеңімпазымен кездеседі. Бірақ қазақстандықтың қарсыласы Белал Мұхаммед немесе Шон Брэди болса, таңқалмаймын, — деді маман.

Шавкат Рахмонов — жарты жыл бұрынғы соңғы жекпе-жегінде ирландиялық Иэн Гэрриді төрешілердің бірауызды шешімімен жеңді. Кейін қазақстандық денсаулығына байланысты Белал Мұхаммедпен титулдық жекпе-жектен бас тартты, ол кейіннен белбеуді Джек Делла Маддаленаға жоғалтты.

Жаттықтырушылар штабының мәліметінше, файтердің октагонға оралуы осы күзде күтілуде.