Инфантино Роналдудың клубтық әлем чемпионатына қатысу мүмкіндігін меңзеді

ФИФА президенті Джанни Инфантино АҚШ-та биылғы жазда өтетін клубтық әлем чемпионатына Криштиану Роналдудың қатысуы жөнінде келіссөздер жүріп жатқанын мәлімдеді.

Португалдықтың қазіргі клубы «Әл-Наср» 32 командалық турнирге жолдама ала алмағанына қарамастан, 40 жастағы шабуылшының жарысқа қатысу мүмкіндігі бар — оның сауд клубымен келісімшарты 30 маусымда аяқталады.

«Роналду клубтық әлем чемпионатында команданың бірінің намысын қорғауы мүмкін. Қазір бірқатар клубтармен келіссөздер жүргізілуде», — деді Инфантино сұхбатында.

Португалдық ойыншы үшін ықтимал нұсқалардың бірі — бразилиялық «Ботафого», оның бапкері Ренату Пайва ықтимал трансфер туралы пікір білдірді:

«Мұндай жұлдыздан бас тартуға болмайды. Роналду өз жасына қарамастан, гол соғу машинасы болып қала береді».

ФИФА турнирге қатысушылар құрамын күшейту үшін 1-10 маусым аралығында қосымша трансферлік терезе ашты. Жолдама алған командалар арасында — португалдық бұрын ойнаған «Реал Мадрид», «Ювентус», «Челси» және «Манчестер Сити» бар.