Инфантино 2030 жылғы әлем чемпионатында командалар санын көбейту мүмкіндігін қарастыруда

ESPN мәліметі бойынша, ФИФА 2030 жылғы әлем чемпионатына қатысушылар санын 48-ден 64 командаға дейін көбейту мүмкіндігін қарастыруда.

ФИФА президенті Джанни Инфантино — турнирдің жүз жылдық мерейтойына орай оны кеңейту идеясын қолдады. Азия футбол конфедерациясының басшысы Салман бин Ибрахим Әл-Халифа да қатысушылар санын көбейтуді жақтады.

Алайда, бұл ұсыныс әртүрлі пікір тудырды — УЕФА президенті Александер Чеферин мен КОНКАКАФ басшысы Виктор Монтальяни бұл бастамаға қарсы шықты.

«Әлем чемпионатының 100 жылдығын тойлау ерекше оқиға болмақ. Әр идея — жақсы идея», — деді Инфантино Парагвайдағы ФИФАның 75-ші Конгресінде.