ІІХФ Ресей хоккейшілерін 2026 жылғы Олимпиадаға жібермейтінін растады

Халықаралық хоккей федерациясының президенті Люк Тардиф Ресей құрамасының 2026 жылғы Олимпиада ойындарына қатыспайтынын растады, деп хабарлайды SVT Sport.

«ІІХФ нақты ұстанымын білдірді — Халықаралық олимпиада комитеті Ресей Олимпиада комитетіне хабарлауы тиіс. Олар бұл талапты орындады. Біз ХОК-тің ресми растауын күтудеміз», — деді Тардиф.

Бұған дейін ІІХФ Ресей құрамасының Италиядағы Олимпиадаға жіберілмейтіні туралы ақпаратты растамаған — бұл шешім Ресей мен Беларусь құрамаларының 2022 жылдың көктемінен бастап халықаралық жарыстардан шеттетілуінің жалғасы болды.

Роман Ротенберг жағдайға байланысты мұндай жаңалықтар достық емес елдерде жасалған Ресейге қарсы арандатушылық екенін мәлімдеді.