IIHF Қазақстан құрамасының әлем чемпионатындағы мүмкіндіктерін бағалады

Халықаралық хоккей федерациясы (IIHF) Қазақстан құрамасының 2025 жылғы әлем чемпионатындағы келешегіне талдау жасады.

Натурализацияланған ойыншылар — канадалық Найджел Доус пен шведтік Виктор Сведбергтің қызметінен бас тартқан Қазақстан құрамасы құрам тереңдігінің күрделі сынағына тап болды. Өткен жылғы әлем чемпионатында 12-орын алған команда жаңа қиындыққа — негізгі қақпашылар Никита Бояркин мен Андрей Шутовтың жарақаттарына тап болды.

Бұл жағдайда бас бапкер Олег Болякин «Барыстың» 30 жастағы бұрынғы қақпашысы Сергей Кудрявцевке сенім арта алады. Шабуылда негізгі жүктеме 38 жастағы капитан Роман Старченко мен Никита Михайлиске түседі.

«Ойынды шиеленісті ұстау, көпшілік болған кезде мүмкіндіктерді пайдалану немесе буллиттер сценарийі — Қазақстан құрамасының төтеп беруі үшін маңызды аспектілердің бірі», — деп атап өтеді IIHF.

Қазақстан құрамасының B тобындағы тағдыры 14 мамырға дейін — Чехия, АҚШ және Швейцария құрамаларымен ойындардан кейін анықталады.