Хюлькенберг Формула-1 тарихындағы подиумсыз ең ұзақ сериясын тоқтатты

Ұлыбритания Гран-приінде Нико Хюлькенберг Формула-1 мансабындағы алғашқы подиумын жеңіп алды — Заубер команда пилоты чемпионаттағы 239 старттан кейін үшінші орынға жетті.

Неміс жүргізуші жарысты 19-шы позициядан бастады, бірақ жаңбырлы жағдайда подиумға көтерілді. Мәре сызығын кесіп өткеннен кейін толқыған Хюлькенберг командаласы Габриэль Бортолетодан радио арқылы құттықтау алды.

«Нико, мен сен үшін қаншалықты қуанып тұрғанымды білмейсің, сен аңызсың. Бүгін жасағаның — керемет», — деді Бортолето.

Хюлькенбергтің жетістігін пелотондағы әріптестері жоғары бағалады. Оны боксқа бұрынғы Хаас командаласы Кевин Магнуссен күтіп алды, ал Карлос Сайнс немісті пелотонның бес үздік пилотының бірі деп атады.

«Мен үшін ол әрқашан старт торындағы үздік бес жүргізушінің қатарында болды. Оның таланты мен жарыстағы шеберлігі керемет», — деді Сайнс.

Бұл подиум Заубер командасы үшін 2012 жылғы Жапония Гран-приінен бері алғашқысы болды. Команда жетекшісі Джонатан Уитли Хюлькенбергтің өнерін Сильверстоун тарихындағы ең үздік жарыстардың бірі деп атады.