Хуан Мата Аморим басқаратын Манчестер Юнайтедтің жарқын болашағына сенеді

Хуан Мата Манчестердегі халықаралық фестиваль аясында өнер көрмесінің ашылуына келген сапары барысында MUTV-ге берген сұхбатында «Манчестер Юнайтедтің» болашағы туралы ойымен бөлісті.

«Ең алдымен, барлық ойыншылар жақсы ойын көрсетіп, клубты лайықты деңгейге қайтара алады деп үміттенемін», — деді испан футболшысы.

«Қызыл жындылардың» бұрынғы жартылай қорғаушысы — Еуропа Лигасының финалын Австралиядан көріп, көңілі қалса да — Рубен Аморимнің жетекшілігімен команданың табысты болатынына сенім білдірді.

«Команда жақсы, бапкер жаңадан келді — ол жас, қуатты және құштар. Оның бәрі сәтті болады деп сенемін», — деп атап өтті Мата.

Бұрынғы командаласы Бруну Фернандеш туралы айта келе, Мата клуб капитанымен ерекше байланысы бар екенін атап өтті.

«Біз жиі сөйлесеміз, мен оны тек жақсы кезде ғана емес, қиын сәттерде де қолдауға тырысамын. Келесі маусымда ол 40 гол соғып, 40 пас беріп, лиганың үздік ойыншысы атанады деп үміттенемін», — деп қорытындылады испандық.