Хусанов Мадридке командадан бөлек, үшінші ел арқылы барған

El Chiringuito TV хабарлағандай, футболшы Абдукодир Хусанов Чемпиондар лигасының матчы алдында күрделі жағдайға тап болды.

«Манчестер Ситидің» өзбекстандық жаңа ойыншысы командамен бірге Мадридке бара алмады. Себебі виза рәсімдеудегі қиындықтар (ойыншының азаматтығына байланысты) орын алды.

Клуб балама маршрут іздеуге мәжбүр болды. Қорғаушы алдымен Афинаға содан кейін — Испания астанасына жол тартты, команда қонақ үйіне таң ертемен келіп жетті.

Айта кетейік, жауапты матчта «Манчестер Сити» 3:1 есебімен мадридтік клубқа есе жіберді.