Хулен Лопетеги Катар құрамасының бас бапкері атанды

Испаниялық маман Хулен Лопетеги ресми түрде Катар ұлттық құрамасының бас жаттықтырушысы болып тағайындалды. 58 жастағы бапкермен келісімшарт 2027 жылға дейін жасалды.

Лопетеги жаңа қызметіндегі жұмысын 2026 жылғы әлем чемпионатының іріктеу кезеңінде бастайды. Катар құрамасы — соңғы мундиальдің иесі ретінде автоматты түрде қатысқанымен, бұл жолы қосымша іріктеу кезеңдерінен өтуі қажет.

Испаниялық бапкер ұлттық құрамалармен жұмыс істеу жағынан тәжірибелі маман саналады. Ол 2016 жылдан бастап Испания құрамасын басқарды, алайда 2018 жылғы әлем чемпионатының алдында «Реал Мадридпен» келісімшарт жасағаны үшін турнир басталардан екі күн бұрын қызметінен босатылған еді.

Клубтық деңгейде Лопетеги «Севильямен» бірге Еуропа Лигасын жеңіп, айтарлықтай жетістіктерге жеткен. Ал соңғы жұмыс орны — ағылшындық «Вест Хэм» клубы болды. Ол бұл команданы бірнеше ай басқарғанымен, сәтсіз нәтижелердің кесірінен төрт ай бұрын қызметінен кеткен.