ХОК Головкин басқаратын комиссиясы бар жаңа бокс федерациясын мойындады

Vringe.com мәліметінше, Халықаралық Олимпиада Комитеті Геннадий Головкин төрағалық ететін World Boxing федерациясын уақытша мойындау туралы шешім қабылдады.

IBA-ны шеттеткеннен кейін (басқару, қаржы және төрелік мәселелеріне байланысты) 2028 жылы Лос-Анджелесте өтетін Олимпиада ойындарындағы бокстың болашағы күмәнді болып қалған еді. Алайда жағдай жақсы жаққа өзгерді. 2023 жылдың сәуірінде құрылған World Boxing қазірдің өзінде 78 ұлттық федерацияны біріктірді. Сонымен қатар алдағы 2024 жылғы Олимпиада боксшыларының 62%-ы және медаль иегерлерінің 58%-ы жаңа ұйымға мүше елдерден.

«Бұл Олимпиадалық қозғалыстағы бокспен байланысты барлық адамдар үшін маңызды күн», — деді World Boxing президенті Борис Ван дер Ворст.

«Барлық бокс жанкүйерлеріне маңызды жаңалықты хабарлауға қуаныштымын! — деді Геннадий Головкин. — Мен World Boxing олимпиадалық комиссиясының төрағасы ретінде боксты Олимпиада ойындары бағдарламасында сақтау үшін жұмыс істеуді жалғастырамын».