Heroic академиялық CS2 құрамын таныстырды — құрам негізін Sashi Academy ойыншылары құрады

Киберспорттағы беделді Heroic ұйымы CS2 бойынша өзінің екінші құрамын ресми түрде жариялады. Жаңа команда Heroic Academy атауымен өнер көрсетеді, деп хабарлайды HLTV.gg.

Академиялық ұжымның негізін Sashi Academy құрамынан үш дат ойыншы — Dengzoe, anber және Scr0b құрайды. Сонымен қатар, командаға TEAM NEXT LEVEL-дің бұрынғы мүшесі украиналық St0m4k пен Natus Vincere Junior және Monte Gen сапында тәжірибе жинаған Дэвид «fnl» Мусурою қосылды.

Жаттықтырушылық қызметке тәжірибелі киберспорт маманы, бұрын ENCE және HAVU Gaming клубтарында жұмыс істеген Юнас «doto» Фросс тағайындалды.

Академиялық жобаның құрылғаны туралы алғашқы мәліметтер наурыз айының соңында тараған болатын. Сарапшылардың болжамынша, жақын арада Team Vitality да осындай құрамды таныстыруы мүмкін.

Heroic Academy құрамы:

• Dengzoe
• anber
• Scr0b
• St0m4k
• Дэвид «fnl» Мусурою
• Юнас «doto» Фросс — жаттықтырушы