«Хартс» норвегиялық қорғаушымен келісімшарт жасасты

Эдинбургтің «Хартс» клубы «Волеренганың» капитаны Кристиан Борхгревинкті құрамына қосу туралы келісімге келді. 25 жастағы оң қанат қорғаушы командаға 2025 жылдың жазында қосылады. Ол шотландиялық клубпен үш жылдық келісімшартқа отырды. Трансфер құны жарияланған жоқ.

Борхгревинк Норвегияның жастар құрамасында ойнаған және 2020 жылдан бері «Волеренганың» негізгі ойыншысы саналады. Өткен маусымда оның капитандығымен команда елдің элиталық дивизионына қайта оралды.

«Оның бойында «Хартс» ойыншысына тән барлық қасиет бар — ол мықты, атлетикалық, талантты және нағыз көшбасшы. Біз оның әрі қарай дамуына көмектесуге дайынбыз», — деді бас бапкер Нил Критчли.

Оң қанат қорғанысына ойыншы алу қажеттілігі Коста-Рика құрамасы сапында ойнап жүріп жарақат алған Джеральд Тейлордың тізе жарақатынан кейін туындады.

Біздің парақшамыздан футбол матчтарының барлық нәтижелерін Live форматта бірінші болып біліңіз!