Хакими мен Салах Африканың үздік футболшысы атағына үміткерлер тізімін бастады

Африка футбол конфедерациясы 2025 жылдың үздік футболшысы атағына он үміткерді жариялады.

Марапатқа басты үміткерлер — Ашраф Хакими мен Мохамед Салах — мароккалық қорғаушы ПСЖ-ға требл жеңіп алуға көмектессе, мысырлық шабуылшы Ливерпуль құрамында АПЛ-дің үздік сұрмергені атанды.

Үміткерлер қатарына сенегалдық футболшылар Илиман Ндиай мен Папе Матар Сарр, марапаттың қазіргі иегері нигериялық Виктор Осимхен де енді.

Үміткерлер тізімін толықтырғандар:

• Андре-Франк Замбо-Ангисса (Камерун)
• Фистон Майеле (ДР Конго)
• Дени Буанга (Габон)
• Серху Гирасси (Гвинея)
• Усама Ламлиуи (Марокко)

КАФ-тың сараптамалық комиссиясы ойыншылардың ағымдағы жылдың 6 қаңтары мен 15 қазаны аралығындағы өнерін бағалады. Марапаттау рәсімінің күні әзірге жарияланған жоқ.