Хаби Алонсо «Реал Мадридпен» келіссөздердің соңғы кезеңіне өтті

Relevo мәліметі бойынша, Хаби Алонсо Мадридтің «Реал» клубымен келіссөздердің соңғы кезеңіне жетті. 43 жастағы маман испандық алпауытпен толық келісімге жақын тұр.

Жақын күндері Алонсо қазіргі клубы — «Байер» басшылығымен кездесуді жоспарлап отыр. Кездесу барысында ол Испанияға оралу және мансабын «Реал Мадридте» жалғастыру туралы шешімін ресми түрде жеткізбек.

Сонымен қатар, қазіргі бас бапкер Карло Анчелотти Бразилия ұлттық құрамасымен келісімшарттың соңғы шарттарын келісуде. Италиялық маман бес дүркін әлем чемпиондарымен жұмыс істеуге өзінің принципті келісімін берген.

Біздің парақшамыздан футбол матчтарының барлық нәтижелерін Live форматта бірінші болып біліңіз!