Хаби Алонсо маусым соңында «Байерден» кетеді — бағытын «Реалға» бұруы мүмкін

BBC Sport хабарлағандай, Хаби Алонсо 2024/25 маусым соңында «Байер Леверкузеннің» бас бапкері қызметінен кететінін ресми түрде мәлімдеді. Бұл туралы ол клубпен келісімге келген соң, баспасөз мәслихатында жария етті.

«Осы аптада біз клубпен келісімге келдік — алдағы екі ойын менің «Байердегі» соңғы матчтарым болады. Қазір стадиондағы жанкүйерлермен осы сәттерді бөлісетін уақыт келді. Бұл жерде мен үлкен сәттерді бастан өткеріп, қазіргі тұлғама айналдым», — деді Алонсо.

Испан маманы Леверкузенде үш жыл жұмыс істеп, клубты тарихи жетістіктерге жеткізді:

• Бундеслигада тұңғыш чемпиондық
• Германия Кубогының жеңісі

Алонсоның командадағы соңғы екі ойыны:

• «Боруссия Дортмундқа» қарсы — үйде
• «Майнцқа» қарсы — сапарда

Испаниялық сарапшы Гильем Балагтың мәліметінше, 43 жастағы бапкер Карло Анчелотти кеткен соң «Реал Мадрид» тізгінін қолына алуы мүмкін. Алонсо «Реалдың» бұрынғы ойыншысы ретінде де бұл қызметке басты үміткер саналады.