Хаби Алонсо «Байердің» чемпиондық мүмкіндіктерін бағалады

Хаби Алонсо: «Чемпиондық жарыс әлі аяқталған жоқ, бірақ Бавариядан қалып қойдық»

Бундеслига ресми сайтының хабарлауынша, «Байер» бапкері Хаби Алонсо «Санкт-Паулимен» өткен 1:1 есебіндегі тең ойыннан кейін командасының чемпиондық мүмкіндігі туралы пікір білдірді.

«Математикалық тұрғыдан чемпиондық жарыс әлі аяқталған жоқ. Бірақ біз ‘Бавария’ деңгейінде болу үшін тым көп тең ойын өткіздік. 8 ұпайлық айырмашылық — өте үлкен», — деді испандық маман.

Матч барысына тоқталған Алонсо команданың сенімсіз ойыны мен соңғы сәтте жіберілген голдың әсерін атап өтті.

«Бүгін біз сенімсіз ойнаған кезең болды. Ал матч соңындағы гол біз үшін ауыр соққы болды. Алғашқы 15 минут өте әлсіз өтті. Өкінішке қарай, соңғы шабуылдарымыз нәтижесіз аяқталды», — деді ол.

«Байер» биылғы маусымда тамаша сериялар көрсеткенімен, шешуші кезеңдерде жоғалтқан ұпайлар командаға Бундеслигада көшбасшылықты сақтап қалуға кедергі келтіріп отыр.