Гус Хиддинк бітімгершілік футбол турнирін өткізуді ұсынды

Ресей құрама командасының бұрынғы бас бапкері Гус Хиддинк бітімгершілік турнирін ұйымдастыру бойынша ерекше бастама көтерді, деп хабарлайды «Матч ТВ».

Голландиялық маман АҚШ, Украина, Ресей және Еуропа құрамаларының қатысуымен ерекше жарыс өткізуді ұсынды.

«ФИФА жеңімпазы маңызды емес турнир ұйымдастыруы керек. Әлемге Ресей-Украина қақтығысын тоқтату қажет! Футбол өте пайдалы бола алады — турнир кезінде және одан кейін барлығы қаруын тастауы керек», — деді Хиддинк.

Бапкер тарихи параллель жүргізіп, Бірінші дүниежүзілік соғыс кезінде Рождество бітімі кезінде қарсылас армиялардың жауынгерлері достық футбол матчтарын өткізгенін еске салды.