Гвардиола Чемпиондар лигасы алдында «Реал» туралы пікір білдірді

«Манчестер Ситидің» бас бапкері Хосеп Гвардиола Чемпиондар лигасының 1/8 финалындағы қарымта ойын алдында Мадридтің «Реалы» туралы пікірін айтты (championat.com).

«Реалдың әлсіз тұстары? Қарсыластың осал жақтарын табуға әрдайым мүмкіндік бар, мінсіз команда болмайды», — деді Гвардиола.

Каталондық маман «Ситидің» «Реалдан» басым түсетін тұстары бар екенін, бірақ керісінше, мадридтік клубтың да белгілі бір аспектілерде ағылшындардан мықты екенін айтты.

«Мадридке қарсы өте жоғары қарқынмен ойнау керек. Олар жағдайға жылдам бейімделеді», — деп атап өтті Гвардиола.

Еске сала кетейік, бірінші ойында «Сити» өз алаңында «Реалға» 2:3 есебімен жол берген болатын.