Гвардиола ағылшын Премьер-лигасындағы титул үшін күрес туралы айтты

«Манчестер Ситидің» бас бапкері Пеп Гвардиола АПЛ-дағы чемпиондық жарыс туралы өз ойымен бөлісті, деп хабарлайды BBC.

Турнир кестесінде қазіргі уақытта «Арсенал» көш бастап тұр — команда маусымның алғашқы сегіз ойынында 19 ұпай жинады.

«Алғашқы екі-үш матчтан кейін «Манчестер Сити» чемпиондық жарыстан шығып қалды деп саналды. Енді «Ливерпуль» шығып қалды деп айтып жатыр. Бірақ мен сіздерге айтайын – олар әлі оралады», — деді испандық маман.

«Сарапшылар, мамандар, бұрынғы футболшылар – олар бес ойыннан кейін не болатынын біледі. Мен олай істей алмаймын. Мен әрдайым не болып жатқанын нақты түсіну үшін 10-15 матчты күтемін», — деп атап өтті Гвардиола.

«Қала тұрғындарының» бапкері «Ливерпуль» мен «Арсенал» титул үшін күресте қалатынына сенімділік білдіріп, өз командасының да чемпиондық жарысқа қатысатынына үміт артты.