Григорий Бабаян Тағыбергеннің «Астанаға» ауыспаған себебін айтты

«Астананың» бас бапкері Григорий Бабаян «Футбол Жолы» YouTube-арнасына берген сұхбатында Қазақстан құрамасының жартылай қорғаушысы Асхат Тағыбергеннің ықтимал трансфері туралы әңгімеледі.

Шымкент әкімінің сынынан кейін «Ордабасыдан» кеткен Тағыбергеннің елорда клубына ауысуы — қаржылық мәселелерге байланысты жүзеге аспады.

«Мен онымен жеке сөйлестім, бірақ мәселе қаржыландыруға тірелді», — деді «Астананың» бас бапкері.

Тағыбергеннің қазақстандық футболға қосқан үлесі туралы айта келе, Бабаян оның ерекше жетістіктерін атап өтті:

«Бұл адам қазақстандық футбол үшін көп еңбек сіңірді. Екі жыл бұрын ол бірегей жетістікке қол жеткізді — қатарынан алты айып добын соқты, құрама сапында керемет ойын көрсетті. Ал қазір бәрі оның алатын жалақысын талқылап, сынап жатыр».