ҚПЛ-дің төртінші турында «Ордабасыны» 2:1 есебімен жеңгеннен кейін «Астананың» бас бапкері Григорий Бабаян ойын жайлы пікір білдірді.
«Қиын матч болатынын күттік. Турнирлік кестедегі қазіргі орнына қарамастан, мен «Ордабасыны» бізге бәсекелес команда деп есептеймін. Құрамы мен ойынына қарап, олар өз орнында тұрған жоқ», — деді елордалық команданың бас жаттықтырушысы.
Бабаян шымкенттік клубтың тактикалық жоспары сәтті іске асқанын атап өтті. Қарсылас бос аймақтарды жапты, қысым көрсетті және «Астананың» шабуылдағы әрекетіне кеңістік бермеді. Сонымен қатар, бапкер командасының жіберіп алған голын «міндетті емес» деп бағалап, есепті 3:1-ге жеткізу мүмкіндігі пайдаланылмағанын қынжыла айтты.
Ол сондай-ақ құрама сапындағы ойыншылардың матчтарына байланысты үзіліс «Астананың» ойын ырғағына әсер еткенін жасырмады.
Біздің парақшамыздан футбол матчтарының барлық нәтижелерін Live форматта бірінші болып біліңіз!
