Григорий Бабаян конференциялар Лигасында өтетін «Астана» матчы туралы айтты

Конференциялар лигасының бірінші туры қарсаңында «Астана» клубының бас жаттықтырушысы Григорий Бабаян баспасөз конференциясын өткізіп, алдағы «Астана» мен сербиялық «Бачки Топола» клубы арасындағы матчқа байланысты журналистердің сұрақтарына жауап берді. Sport+ хабарлағандай, Бабаян қарсылас команда мен ойын жоспарлары туралы өз ойларымен бөлісті.

Бабаян «Бачка Тополаны» байсалды қарсылас ретінде сипаттап, олардың өткен маусымда Еуропа лигасының топтық кезеңіндегі тәжірибесіне назар аударды. Оның айтуынша, қарсылас команда көбіне алаңда үстемдік етуді қалайды және қорғаныс тактикасына аз жүгінеді:

«Біз олардың соңғы төрт ойынын зерттедік. Бір жарым айдан бері жаңа жаттықтырушы жұмыс істеп жатыр, біз олардың қандай ойын көрсетуге тырысатынын түсінеміз. Команда алғашқы минуттардан бастап қысым жасайды. Біздің міндетіміз — оларға өз ойын жоспарымызды енгізу. Үйде үш ұпай алуға тырысамыз,» – деді Бабаян.

Матчқа арналған стратегия туралы айта келе, Бабаян командалық іс-қимылдардың жеке шеберліктен маңыздырақ екенін атап өтті. Оның айтуынша, команда табысқа жету үшін жоспардың кем дегенде 60-70%-ы орындалуы керек.

«Біз терең талдау жасадық. Мен жеке ойыншылардың шеберлігінен гөрі, командалық іс-қимылды қолдаймын. Біздің мақсатымыз – қарсыластан қалай асып түсіп, қай аймақта артықшылық алу,» – деп түсіндірді жаттықтырушы.

Сонымен қатар, Бабаян жарақат алған ойыншылар туралы айтты. Оның мәліметінше, Калаица және тағы екі футболшы алдыңғы матчта жарақат алған. Бұл ойыншылардың алдағы кездесуге қатысуы үлкен сұрақ тудырып отыр, ал Калаица 99% ықтималдықпен алаңға шыға алмайды.

Кадрлық мәселелерге қарамастан, «Астана» Сербияның «Бачка Топола» клубымен конференциялар лигасының үй матчында мықты күрес көрсетуге дайындалуда.