Головкин World Boxing басшылығына үміткер — журналист чемпионның жоспарын ашты

Журналист Уәлихан Қосанбайдың мәлімдеуінше, Қазақстан Ұлттық Олимпиада комитетінің басшысы Геннадий Головкин World Boxing президенттігіне сайлауға қатысады.

Ұйымды қазіргі уақытта Нидерланд өкілі Борис ван дер Ворст басқарады — оның қызметте қалуы әлі белгісіз.

Менде ақпарат бар, сайлауға Геннадий Головкин де қатысады, — деді Қосанбай «Yessen Yeleuken» YouTube-арнасында.

Жаңа президент сайлауы қыркүйек басында Нью-Делиде өтетін World Boxing конгресінде өтеді. Айта кетерлігі, Головкин қазірдің өзінде ұйымның олимпиадалық комиссиясының төрағасы қызметін атқарады — бөлімше Лос-Анджелестегі Олимпиада бокс турнирін қадағалайтын болады.