Германия – Португалия: УЕФА Ұлттар лигасына болжам (05.06.2025)

5 маусым 2025 жылы Астана уақытымен 00:00-де Германия мен Португалия құрамалары арасында Ұлттар лигасының плей-офф кезеңінің жартылай финалдық матчы өтеді. Бундестим үшін бұл матчта үлкен артықшылық – өз алаңындағы жанкүйерлердің қолдауы болмақ, себебі ойын Мюнхендегі «Альянц Аренада» өтеді. Букмекерлер де алаң иелерін фаворит деп есептейді. Екі команданың қазіргі формасына шолу жасап, матчқа болжам ұсынайық.

Германия

Германия құрамасына деген сенімсіздік кезеңі артта қалды. Нагельсманн командасы өткен жылы өз елінде өткен Еуропа чемпионатында барлық күмәндерді сейілтті. Бундестим Еуропаның ең мықты ұлттық құрамаларының қатарында екендігін нәтижелерімен дәлелдеп жүр. 2023 жылдан бері негізгі уақытта жеңілмеген. Ұлттар лигасының топтық кезеңінен мінсіз өтті, ал ширек финалда Италияны екі матч қорытындысы бойынша жеңді (қонақта 2:1 және өз алаңында 3:3). «Неміс машинасының» басты күші – ойыншылар арасындағы жоғары өзара түсіністік пен допты алаңның әр бөлігінде жылдам жеткізуі. Сондықтан бұл ойында Германия құрамасы фаворит саналады. Немістердің нәтижелеріндегі айтарлықтай прогресс пен өз алаңындағы ойын Португалияның финалға шығу мүмкіндігін төмендетеді.

Португалия

Португалдар Евро-2024 турнирінде сәтсіз өнер көрсетті, бірақ плей-офф кезеңінің екінші сатысына дейін жетті. Команда шабуылда айтарлықтай әлсіз ойнады. Дегенмен Ұлттар лигасында Роналду бастаған команда өз тобында жеңіске жетіп, тек Шотландиямен (0:0) және Хорватиямен (1:1) тең ойнағаны үшін ғана ұпай жоғалтты. Ширек финалда Роберто Мартинестің командасы қиындықтарға тап болды, Данияны әрең жеңіп өтті. Бірінші ойында қонақта 0:1 есебімен ұтылып, қарымта матчта тек 86-минутта жеңісті жұлып алды. Одан кейін өз алаңында қосымша уақытта қарсыласын діңкелетіп, келесі кезеңге өтті. Команда көшбасшылары да ең жақсы формаларында емес. Мысалы, Роналду маусымды тағы да трофейсіз аяқтады, ал матчтар кезінде оның эмоционалды тұрақсыздығы командаға да әсер етіп жүр.

Статистика және жеке кездесулер

Бұл құрамалар бір-бірімен сирек кездеседі. 2006 жылдан бері бес рет ойнап, барлық матчта Германия жеңіске жеткен. Соңғы кездесу 2021 жылғы Еуропа чемпионатында өтіп, Германия 4:2 есебімен басым түскен.

Болжам

Германия – Португалия матчына болжам – алаң иелерінің пайдасына. Немістердің тұрақты әрі табысты ойыны аясында Роберто Мартинестің шәкірттерінің трофей үшін таласа алуы қиын. Бұл жағдайда Германияның негізгі уақытта жеңісіне бәс тіккен жөн. Коэффициент – 1.88.