Германия құрамасы үш тәжірибесіз қақпашыны Ұлттар Лигасының матчтарына шақырды

Германия құрамасының жаттықтырушылар штабы Ұлттар Лигасында Босния және Нидерландыға қарсы матчтар қарсаңында күтпеген шешім қабылдап, ұлттық құраманың тәжірибелі қақпашыларын алмастырып, командаға бұрын ұлттық құрамада жоғары деңгейде өнер көрсетпеген үш жаңа қақпашыны шақырды.

Бұл шешім неміс командасының қақпашы мәселесіндегі ірі өзгерістермен байланысты болды. Барселона қақпашысы Марк-Андре Тер Стеген тізе жарақатына байланысты ұзақ мерзімге алаңнан шығып қалды, ал Мануэль Нойер Еуропа чемпионатынан кейін ұлттық құрамадағы мансабын аяқтады.

Қазіргі жағдайда командаға Хоффенхаймнан Оливер Бауманн, Зальцбургтен Янис Блашвих және Штутгарттан Александр Нюбель шақырылды. Бір қызығы, бұл қақпашылар бұрын да ұлттық құрамаға шақырылғанымен, әлі ешқайсысы дебют жасамаған.

Сондай-ақ құрамда басқа өзгерістер де болды. Алғаш рет 29 жастағы Боруссия Менхенгладбах шабуылшысы Тим Клейндинст шақырылса, ұзақ уақыттан кейін жарақатынан жазылған Бавария ойыншысы Серж Гнабри де қайта оралды. Оның ұлттық құрамадағы соңғы ойыны өткен жылдың қарашасында болған еді.

Неміс командасы Ұлттар Лигасы аясында 11 қазанда Боснияға және 14 қазанда Нидерландыға қарсы екі матч өткізеді.