Геннадий Головкин Бахрейндегі жасөспірімдер Азия ойындарына келді

ҚР ҰОК мәліметі бойынша, кәсіби бокстың экс-әлем чемпионы Геннадий Головкин жасөспірімдер Азия ойындарына қатысу үшін Бахрейнге келді.

Атақты боксшының келуі нағыз ажиотаж тудырды — түрлі елдердің өкілдері, қазақстандық спортшылар мен ресми тұлғалар бокс аңызымен бірге суретке түсу үшін кезекке тұрды.

Қазіргі уақытта орта салмақта WBA, WBC, IBF және IBO чемпиондық белбеулерінің бұрынғы иегері Головкин ҚР ҰОК президенті және әуесқой боксты дамытуға жауапты World Boxing ұйымының олимпиадалық комиссиясының төрағасы қызметтерін қатар атқарады.