General Motors $5 млрд жоғалтады, бірақ Cadillac-тің Formula-1 жобасы зардап шекпейді

General Motors президенті Марк Рюсс АҚШ әкімшілігі енгізген жаңа тарифтер салдарынан $5 млрд шығын келуі мүмкін екенін мәлімдеді — алайда бұл жағдай Cadillac-тің Formula-1 командасына әсер етпейді.

«Жоқ, бұл Cadillac жобасына әсер етпейді. Біз өндірістің көп бөлігін АҚШ-қа көшіру және тарифтерден құтылу үшін қарқынды жұмыс істеудеміз, бірақ бұл бірден болмайды», — деп атап өтті Рюсс.

TWG Motorsports бас директоры Дэн Таурисс келесі жылы чемпионатта дебют жасайтын команданың коммерциялық жоспарлары туралы әңгімеледі. Оның айтуынша, Cadillac америкалық және халықаралық титулдық демеушілермен келіссөздер жүргізуде.

«Біз негізгі америкалық брендтерді серіктес ретінде көргіміз келеді, бірақ бұл жаһандық стратегия. Жобаға деген қызығушылық өте жоғары және жақын арада бірнеше маңызды жаңалықтарды жариялай аламыз», — деді Таурисс.