Гави: «Титул үшін күрес жалғасуда»

Marca мәліметі бойынша, «Барселонаның» жартылай қорғаушысы Пабло Мартин Гави 23-турда «Севильяға» қарсы 4:1 есебімен жеңіске жеткеннен кейін чемпиондық жарыс туралы пікір білдірді.

Кездесу барысында Гави сары қағазға байланысты сақ ойнауға мәжбүр болғанын айтты:

«Мен қатты ауырсынуды сезіндім. Бапкер менде ескерту бар екенін және абай болу керектігін еске салды. Төрешілердің маған қатал қарайтынын бәрі біледі. Бапкер менен шабуылда белсенді әрекет етуді және айып алаңына кіруді талап етеді. Бұл кезде Педри, Френки (де Йонг) немесе Касадо тереңірек орналасып, маған еркін қимылдауға мүмкіндік береді. Көпшілік бізді чемпиондық бәсекеден шықты деп ойлады, бірақ біз «Реалдан» небәрі екі ұпай артта қалып тұрмыз. Алда әлі көп ойын бар. Титулды жеңіп алу үшін әр матчта жеңіске жету керек – бұл біздің басты мақсатымыз.»