Гасперини Ювентустың ұсынысын қабылдамай, Романы таңдады

La Gazzetta dello Sport мәлімдеуінше, «Аталантадан» кететін Джан Пьеро Гасперини «Ювентустың» ұсынысынан бас тартты.

Бүгін маман Турин клубының болашақ бас директоры Дамьен Комоллимен кездесу өткізді — келіссөздер оң нәтиже бермеді.

«Ювентус» пен «Рома» арасында бірнеше сағат ойланғаннан кейін Гасперини Рим клубын таңдады — «джалоросси» өкілдерімен келіссөздер әлдеқайда алға жылжыды. Флоренцияда «Рома» басшылығымен жақында өткен кездесу барысында бапкер өзіне ерекше көзқарас сезінді.

Айта кетерлігі, Гасперниді «Ювентусқа» шақыру бастамасын Джорджо Кьеллини көтерген.