Гарначоның ағасы МЮ бапкерлер штабының ЕЛ финалындағы шешімін сынға алды

The Telegraph мәліметінше, жартылай қорғаушы Алехандро Гарначоның ағасы әрі агенті Роберто Гарначо Еуропа Лигасының финалында «Манчестер Юнайтедтің» бапкерлер штабының шешіміне наразылығын ашық білдірді.

Аргентиналық футболшы «Тоттенхэммен» болған кездесудің 71-ші минутында ғана алаңға шықты — матч манкунианцтердің 0:1 есебімен жеңілуімен аяқталды.

«Басқалардан артық жұмыс істеу, әр кезеңде көмектесу, соңғы екі финалда 2 гол соғу, тек алаңда 19 минут өткізу және автобус астына тасталу үшін. Оһо, хахахаха», — деп жазды Роберто Гарначо әлеуметтік желілерде.

Айта кету керек, Алехандро Гарначо «Манчестер Ситиге» қарсы алдыңғы екі финалда — Англия Кубогы мен елдің Суперкубогында гол соққан болатын.