Гарначо «Астон Вилла» футболкасын киіп, Рашфордты қолдады

BBC Sport хабарлауынша, «Манчестер Юнайтедтің» шабуылшысы Алехандро Гарначо командаласы Маркус Рашфордқа қолдау көрсетті — ол Рашфордтың аты жазылған «Астон Вилла» футболкасымен түскен суретін жариялады.

«Астон Виллада» қарызға ойнап жүрген Рашфорд жарияланымға «Бауырым» деп жүрек эмодзиімен пікір қалдырды. Екі ойыншының да «Манчестер Юнайтедтегі» болашағы белгісіз — бас бапкер Рубен Аморим бұған дейін Гарначоға жаңа клуб іздеуге болатынын айтқан.

Жақында испан блогері Хави Руиске берген сұхбатында Рашфорд «Барселонаның» жас таланты Ламин Ямалмен бірге ойнағысы келетінін айтты:

«Әрине, бәрі үздіктермен ойнағысы келеді. Көре жатармыз. Оның осындай жас шағында жасап жатқанын сөзбен айтып жеткізу қиын. Біз бұрын мұндайды көрмегенбіз»

Гарначоның мансабын жалғастыруы үшін «Челси» мен «Атлетико Мадридке» оралу мүмкіндігі аталуда, алайда оның соңғы әрекеті трансфер құнына да, қазіргі бапкерлер штабымен қарым-қатынасына да әсер етуі мүмкін.