Гари Невилл: «Премьер-лигада футбол тым роботталған күйге жетті»

Манчестерлік дерби 0:0 есебімен аяқталғаннан кейін, танымал сарапшы Гари Невилл ағылшын Премьер-лигасындағы қазіргі футбол стилін қатаң сынға алды.

«Бұл — роботталған табиғат. Біз өз позицияларымызды тастамаймыз, тәуекелге баруға еркіндік жоқ. Барлығы микроменеджментпен басқарылады. Бұл футболдағы дертке айналып барады», — деді Невилл.

Оның сөзін статистика да растап отыр: бір матчтағы пастар саны орташа есеппен 897-ге жеткен — бұл 2020/21 маусымындағы рекордтық деңгейге жақын. Ал дриблинг әрекеттері керісінше, соңғы жылдардағы ең төменгі көрсеткішке дейін азайған.

Дегенмен, лига биыл жоғары нәтижелілікпен ерекшеленуде: орта есеппен бір ойында 2,94 гол соғылуда — бұл Премьер-лига тарихындағы екінші үздік көрсеткіш. Сондай-ақ, ойыншылар қақпаға орта есеппен 26 соққы бағыттайды.

Командалар арасындағы еурокубоктық орындар үшін тартыс та шиеленісіп тұр — Чемпиондар лигасына өту үшін алты клубты бар болғаны алты ұпай бөліп тұр. Қызығы, «Ноттингем Форест» сенсация жасап, басты турнирге таласып жатыр, ал «Манчестер Юнайтед» пен «Тоттенхэм» кестенің төменгі жартысында қалып отыр.

Біздің парақшамыздан футбол матчтарының барлық нәтижелерін Live форматта бірінші болып біліңіз!