«Галатасарай» – «Фенербахче»: Моуринью мен Бурук арасындағы дау жанжалға ұласты

Түркия Кубогының ширек финалында «Галатасарайдың» 2:1 есебімен жеңіске жетуі матчтан кейін екі команданың бапкерлері — Жозе Моуринью мен Окан Бурук арасындағы жанжалмен аяқталды.

Ойын соңында «Шүкрү Сараджоглу» стадионында жаппай төбелес болды — нәтижесінде төреші үш футболшыны алаңнан қуды: «Фенербахчеден» Мерт Яндаш, «Галатасарайдан» Керем Демирбай мен Барыш Йылмаз қызыл қағаз алды.

Көп ұзамай «Фенербахче» ресми мәлімдеме жасап, қарсылас бапкер Окан Бурукты арандатушылық әрекетке барғаны үшін айыптады. Клубтың айтуынша, Моуринью оның мұрнына жеңіл тигеннен кейін, «Галатасарай» бапкері «оқ тигендей» кәсіби театрлық әрекет көрсеткен.

«Бұл жоспарланған провокация болды. Оның барлық құрметсіз сөздері мен әрекеттері бейнеге түсірілген», — делінген «Фенербахченің» ресми мәлімдемесінде.

Екі клуб арасындағы шиеленіс биыл ақпан айында басталған болатын — сол кезде чемпионат ойынынан кейін «Галатасарай» Моуриньюды нәсілшілдікке барды деп айыптап, португал бапкер төрт матчқа шеттетілген еді.

Біздің парақшамыздан футбол матчтарының барлық нәтижелерін Live форматта бірінші болып біліңіз!